lunes, 11 de octubre de 2010
2º REUNIÓN PARA FORMAR EL ATENEO LIBERTARIO
El día 22 de octubre tendrá lugar la segunda reunión del Ateneo, al objeto de ir dando forma a su organización interna, a sus futuras actividades, etc. Todos los interesados en formar parte del proyecto pueden acercarse por el local de la CNT en Oviedo a las 19:30 horas (calle Ricardo Montes, 37, bajo 6).
Suscribirse a:
Enviar comentarios (Atom)
Esti pasáu vienres ocho d’ochobre a les ocho la tardi axuntémonos una ocena persones interesaes na convocatoria pa poner en marcha un Ateneu Llibertariu a partir de la precupación d’un grupu xente por espoxigar y desarrollar les sos inquietudes sociales y culturales.
ResponderEliminarEntamóse enseguida la esposición de opiniones, criterios y mou de ver l’asuntu. De mano discutióse el nome y l’apellidu de la ñación que taba a pique parise y acabó habiendo alcuerdu en que sedría un Ateneu –como espaciu de confluencia deses inquietudes culturales y sociales- y siendo que una de les precupaciones o esmoliciones de quienes allí tábemos yera la pespeutiva anarquista o llibertaria del nuesu pensar y el nuesu facer, y tamién que esi modu y manera de pensar y facer tuviera la mayor presencia y espardimientu nel entornu social que habitamos y que mos habita, esi sustantivu que mos aglutina –l’ateneu- tenía que adxetivase como llibertariu, pe lo dicho, y amás tamién, porque la manera d’organizamos pa llevar alantre la xera que mos propongamos nun puée tener otra sostancia que la llibertaria, esto ye autoxestionáa y tomando asientu na asamblea como forma de reunión, decisión y creación de los istrumentos necesarios pa la puesta en marcha de los alcuerdos que se vaigan algamando.
Tratóse darréu de l’autonomía y la independencia consustancial a l’Ateneu y quedó perclaro que ello ye incuestionable, a pesar de tar como tábemos na sede de la CNT, organización que ponía a disposición el so llocal por delles circustancies que se señalaron: uno, que della xente interesao na iniciativa de l’Ateneu ye cenetista; otro, que en teniendo ambos organismos sostanza llibertaria nun tien que haber problema en que pueean convivir puntualmente baxo el memu techu; y pa rematar que, nun contando con utru sitiu pa entamar esta esperiencia, acoyerémonos al que tenemos a la man ensin desechar otres posibilidaes que puean dase. Nun hay, poro, rellación de dependencia denguna co la organización anarcosindicalista y nun queda rocea dalguna de la autonomía dafechu de l’Ateneu que nun sedrá dotra cosa que lo que’l so propiu determín vaiga iguando.
Abordáronse tamién les aztividaes que se podín entamar y, ente munches soxerencies, saquemos de momentu dos estayes principales, dos llabores que podrín iguar la xera de l’Ateneu. Por un lláu el, digamos, llabor teóricu, que consistiría en entamar debates entre nós y tamién de cara al públicu, y tamién la realización de charles y conferencies uq puee dar danquién que forme parte de l’Áteneu y tenga interés por, o conocimientu de, cualquier asuntu que i paeza güeno compartir y poner a disposición de la xente, o invitar a danquién que mos paeza interesante pa abordar cualquier tema que consideremos oportunu.
Y la otra estaya, l’otru terrén en que se centraría la xera de l’Ateneu sedría más práutica, por decilo asina, y trataría d’entamar talleres o núcleos d’afinidá al rodiu de tarees sociales o culturales concretes, pongamos, por poner, talleres de escritura, de cine, de pintura, d’artesanía, de ecoloxía como güertos urbanos o naturismo o alimentación o grupu de salides al monte, o grupu de teatro o de música o de esperanto, o coleutivu d’intervención social o performances o istalaciones… o cualesquier otru interés que danquién o danquienes quieran sacar alantre.
Ente tanta creatividá y entusiasmu o ganes de ponese en marcha, quedóse en que sí, que’l Ateneu Llibertariu d’Uviéu va echar andar y va ser una nueva realidá nel anquilosáu panorama cultural y social desti pueblu. Y pa dir ya prefilando los primeros pasos quedémos en vemos el vienres 22 a les siete y media pa ya venir con propuestes concretes lo más ellaboraes posibles y acompañaes del estudiu de los recursos (materiales, sitiu, financiación, persones a quien recurrir…) que haiga que tener en cuenta pa poder realizales.
Si quies incorporate a esti entusiata entamu y tienes interes en cualquier iniciativa que aporte daqué a la práutica y el pensamientu anarquista, non dexes d’acudir a la cita desti 22 d’ochobre. FAI CORRER LA VOZ: L’ANARQUÍA TA ENTAMÁO.